O tamaño das olas II

Algúns creen que non podemos contar a altura dende a base da ola...e eu pregúntome... por que non?

tamén se di que a ola ten diferentes medidas dependedo do punto de vista.
Segundo o diccionario da real academia galega a altura é:
altura: .f. 1. Dimensión vertical [dun corpo], distancia vertical desde a base ó punto máis elevado ou a calquera outro considerado

Polo tanto, a altura dunha ola mídese dende a súa base, é dicir, dende a parte plana, ata a parte máis alta.

O que está claro, é que non podemos calcular á perfección o tamaño dunha ola, porque a nosa percepción vese modificada por multitude de factores. Hai unha marxe de erro, e dentro desa marxe case sempre tiro cara abaixo. Se está pequeno, para que a xente non leve decepción ó chegar á praia, e se está grande, para animar un pouquiño (con algo de trampa) a que os compañeiros se metan na auga. Por exemplo, eu si dudo entre 3m ou 3 e medio...pois digo 3. Ademáis, pode haber series de 3m e algunha ola de 4m nalgunha serie desfasada, polo que esa marxe se vería ampliada.

pero para min, unha ola de tres metros é a seguinte


Aplicado moi cutremente á realidade...


E para facilitar a tarefa do cálculo, imaxino a un home de 2m totalmente dereito dende a base da ola, ou, como xa sabedes, unha porta na mesma posición.

Se hai alguén na auga, ou se alguén colle unha ola, é útil para tomalo como referencia, porque podemos calcular que un home de 1,75 ó estar surfeando semiflexionado mide aproximadamente metro e medio (en realidade algo máis, pero tiramos un pouquiño para abaixo pola marxe mencionada) . Solo temos que esperar a que o surfista chegue á base da ola, (ou imaxinalo) para tomalo como referencia.

Os puntos vermellos que dibuxei púxenos para que a xente que di que mide a partir da parede, ou a partir dun grado de inclinación determinado, me sinale que punto sería.

as 3 marcas que fixen na linea vertical que vai dende a base á cresta, fíxenas a ollo (nótase) porque todolos calculos de olas se fan así, a "ojímetro". E representan aproximadamente un metro.

E vedes o cachiño que sobrepasa os 3 metros? pois para min esa é a marxe de erro que podemos "despreciar"


Hala, atacádeme, que me intentarei defender jejeje
Non, agora en serio, gustaríame que como fixo Chema na entrada anterior, me mostrárades os vosos puntos de vista e argumentedes os motivos que vos levan pensar así

Graciñas de antemán

un saúdo e a disfrutar das olas, midan o que midan!