Imos comer unhas pipas ó faro...

En Corcubión, cando hai un tempo morto, cando se está sin saber que facer...Hai unha proposta que nunca falla:
-"¿pitillo no faro?
ou no caso dos non fumadores...
-"que,¿unhas pipas no faro?

E é que, moitas veces, estamos acostumados a facer cousas porque si, a piñón fixo, porque é o que se soe facer...Si se "toma algo" hai que ir a unha cafetería. Pois non.

Eu prefiro con moitísima diferencia mercar algo de beber nun super, unhas pipas, algunha trapallada (véxase donuts, palmeras, xelado...) e ir ó faro C (que non faro de Cee) a charlar, escoitar música e disfrutar das vistazas da nosa terraza particular.


..foto feita co mobil. Hai momentos no que non sempre tes o troncho de cámara á man.


(terraza) Nacho apañando cousas para xogar...

Certo é que, este sitio, é o típico "picadero" do lugar, pero alí, a única femia que había, non nos facía caso. Que perra.



Despois de comernos dous paquetes de pipas, unha palmera e non sei que máis... intentei facerlle un retrato a Nacho do estilo dos que fixera con Dani na cova. Non tiña para nada unha boa luz. Lorenzo regalábanos unha luz demasiado dura e intensa, pero reducindo a velocidade conseguín coller ese toque oscuro nun dos lados da cara.



Cando xa nos íamos, apareceu por alí Aitor. Tamén é un dos que disfruta deste sitio.


Dous paquetes de pipas: 2,20 € (que ladróns)
un aquarius: 1 €
palmera: 70 cnt
botella de auga da fonte: 0 €

Pasar unha tarde nun sitio precioso, cun bo amigo e escoitando boa música... non ten prezo.

Apertas!