Nemiña: terreo virxe ou terreo con servicios

á vispera do meu cumple, fai 10 días, foi un dos poucos días destos meses que me din un baño.
Acerqueime ata Nemiña pero había moita xente. Casi 20 persoas na auga, así que esperei a que chegara Mesi e Suso Tudor, e dímonos o baño casi ás nove da ¿noite? como me gustan os días laaaarrgooss.
As olas non estaban mal pero tampouco como para tirar cohetes. Boto de menos o tablón para estos días de olas "peques"


Esta dereita ten mellor pinta do que en realidade era. Era unha baixada bonita e despois íbase quedando tendida e tendida ata quedarse na babosa que se ve na foto de abaixo, (a do surfista que está á dereita da foto)


A ola que máis me gustaba era a do pico que está máis á esquerda, onde vai o outro surfista. Saía unha dereitiña chula de vez en cando e a esquerda tampouco estaba mal...



Antes de ir ata Nemiña, noutra praia, cacei esta ola. Pero a realidade era ben distinta. Tan distinta que non me botei á auga.(estaba a marea demasiado chea e subindo)



E en Nemiña, para os que non estean enterados, fixeron esta plataforma de madeira con paseo, barandilla, bancos, fonte de auga potable (de manantial sen clorar), e duchas (coa mesma auga) coa ventaxa de que temos auga todo o ano.


Cando vimos as máquinas palas entrar en Nemiña, "enfadámonos" un pouco, pero despois de disfrutar dos servicios..... cambiounos o conto.

Desventaxas (para min):
- Non me gusta ver como unha praia tan "virxe" coma Nemiña se vai urbanizando e preparando para que sexa visitada por todo o mundo. Dame a impresión de que o seguinte paso é asfaltar algún prado para facer aparcamentos, colocar un chiringüito, e pouco a pouco algún empresario sin escrúpulos fichará a praia para plantar o seu próximo chalet a pe de praia
-...(este guión déixocho a ti)

Ventaxas:
- Poder endulzalo traxe ó sair da auga
- Endulzarnos nós pegándonos unha duchiña
- beber auga potable ó sair da auga (a ver canto dura funcionando)
- Ter onde poñer a secar os traxes
- Ter onde "estar" mirando as olas sen ter que estar sentados nos capóts dos coches


Ti que opinas? transformación si, ou transformación non?
Gústache o cambio?