Lugar de "traballo"

Hoxe estiven parte da mañá pintando o fondo do debuxo.
Pensei que cuns sprays acabaría antes a carretera gris e o céspede... pero ó final quedoume o que parecía un xardín de chernobil, con herba verde radioactiva, e unha carretera gris plata brillante... Un fracaso, non me gustaba nada. Polo que optei por volver a pintalo todo con pincel e pintura de esmalte sintético como estiven facendo ata agora.

Pola tarde acerqueime a Rostro pero estaba xusto no límite de tamaño/desfase. Estaba algo revolto e con moito vento, polo que pasei de botarme a pesar de caer algún pepino moooi interesante, con sifonazos de película. O feito de estar completamente so, na auga e en terra, e non confiar moito nos meus inventos, foi outro factor (xunto coa chuvia) que me animou a seguir pintando a Ducati.



Este debuxo estouno facendo a uns 2.5 metros de altura, e como o andamio o estaba usando miña irmá (que tamén fixo uns murais) a miña zona de traballo é un tanto curiosa. Aquí vola ensino:



Pois ben, cando xa daba por rematado o debuxo chamoume unha amiga e estivemos de palique bastante tempo. Pois mentres falaba, aproveitei para ir retocando detalliños, e perfeccionando o que daba por rematado...Para que logo digan que os homes non damos feito dúas cousas á vez. Anque certo é que tirei un par de cousas, casi estropeo o debuxo cando un gotón de pintura ameazaba con atravesala moto enteira, e un par de incidentes máis... pero esas cousas pásanme anque non fale por teléfono, así que non contan :)

En fin, que ó final quedei bastante contento co resultado, sobretodo despois dos retoques. Pero claro, despois de tanto falar, quedeime sen batería no mobil, e non puiden sacarlle a foto co resultado final, así que haberá que esperar a mañá.

Apertaass!