Frío, Moito frrrriiiiiiooooooo!!! (Reeditado)

Hoxe, antonte, e algún que outro día deste mes, fun a surfear aproveitando estas nordestadas que tan ben lle pegan a algunhas das nosas queridas praias.
Houbo días regulares, bos, e bastante bos... pero se algo tiveron en común estes baños foi o FRÍO.

Quitando que estamos no mes de decembro, cando o vento sopla do norte, sempre veu máis frío. De toda a vida. De feito son estas nordestadas continuas as que nos estan traendo as temperaturas adecuadas para que haxa neve nas estacións de esquí. Pero estas temperaturas que nos dan tantas alegrías na montaña, restan motivación á hora de entrar á auga a surfear, sobretodo se chove ou graniza. O corpo perde efectividade
ante tales temperaturas.
Pero algo positivo do frío é que moito surfista prefire quedar en casiña, polo que quedan máis olas para os masocas que toleamos por seguir en acción.

SENSACIÓNS DO FRÍO:
- Cando fago os patos, é na terceira ola cando casi non soporto a dor de cabeza que me provocan as corrientes de auga conxelada. É como se cunha prensa, ou un sargento, me apretasen a cabeza polos ósos temporais.
- Os que teñen un furadiño na entreperna do traxe (non é meu caso) notan como as súas partes tenden a desaparecer escapando do frío hacia o ombligo :)
- Os dedos dos pes parece que os levas colgando. Sóese dicir que non os sintes, pero en realidade é que doen tanto por culpa do frío que calquer sensación ó tacto é insignificante.
- Cando saio da auga e vou cara o coche correndo para entrar en calor, noto como se pisase cristais en vez de area

CONSECUENCIAS:
- Según o meu amigo/kiter/patrón/farmacéutico jose (non fagas máis cousas que despois vou a pasar de citarte! jaja), díxome que estiven cerca de ter unha parálise facial polas sensacións que lle dixen que tiven na cara durante unha semana
- O frío provoca nos músculos unha perda de elasticidade (máis posibilidade de rotura de miofibrillas)
- É necesario un maior gasto enerxético para contraelos músculos, polo que tamén é máis probable que se dean contraturas.
- Pero o que non comprendo, é como se poden atrofialos músculos de tal maneira, que non sexamos capaces de facer a forma de "pala" coa man ó remar (xuntar os dedos). Primeiro empeza a separarse do gupo, o dedo meñique. Despois o anular tamén parece non querer xuntarse co corazón... ata que acabamos remando coas palmas.

Hoxe, despois dun baño con Jaime, Jorge e Felipe, e despois de cambiarnos, aínda nos botamos unhas risas vendo como non recuperáramos a movilidade das mans (eu sobretodo). Era incapaz de xuntar os dedos. Algún experto sabe a que se debe esto?? Jorge tampouco podía xuntar o dedo meñique cos outros

Alucinamos para quitalo traxe! jeje non o dábamos pinzado cos dedos. E acórdome unha vez, en Carnota, cando eu tiña uns 15 anos e nos levaba miña nai á praia, que tivemos que esperar eu e Deivis cos pantalóns desabrochados e cordóns sin atar a que chegara miña nai para que nos axudara nesa tarefa tan complicada jeje

SOLUCION: -O próximo día levo o traxe de submarinismo de meu pai me parece a min...
-Xa usei guantes unha temporada, e algo safa, pero ou eran malos, ou milagros non facían. Ademais suman peso na remada. Non sei si foi que coincidiu cunha temporada na que surfeaba todolos dias varias horas... pero empecei a notar nun ombreiro os mesmos síntomas que miña nai coa súa tendinitis crónica... e collín medo. Fora guantes. Toca pasar frío e punto.


Peeeeero... como di miña nai:
¡¡SARNA CON GUSTO NON PICA!!