1º día Barrika Surf Kanp: chegadas, presentacions e pa auga

O venres, saímos Alex e eu de Coruña ás 10:30 da noite, máis ou menos, e puxemos rumbo ó país vasco.
Tíñamos calculado parar a metade de camiño para durmir na tenda de campaña e así foi.
Dunha tacada puxémonos en Suances e durmimos ó borde dun acantilado. Boas vistas á hora do almorzo



Tíñamos pensado pegarnos un baño, pero espertei ás 7 e as olas rompían en barra, así que decidimos seguir durmindo para saír ás 10, xa que ás 12:30 tíñamos que estar no surf kanp. A jodienda foi que cando nos levantamos ás 10, o baño estaba máis que decente...



pero xa non había tempo. Aseo personal in the street, e tirando millas
(preséntovos a Alex, amigo e compañeiro de viaxe)


Tras un par de horiñas e dar algunha volta de máis, chegamos ó surf camp www.barrikasurfcamp.com
Moito mellor do que pintaba na web. Un caserío do século XVI perfectamente restaurado, co encanto do antigo e as comodidades do moderno. Impresionante



As hamacas eran perfectas para descansar despois de surfear mentras se guitarreaba un pouco



Por dentro, na planta baixa, tiña unha cociña bastante amplia (suficiente para caber os 20 almorzando ou comendo) e un cuarto de baño.
E na 1ªplanta había unha superhabitación con moitas literas.

Segundo entrabas, se mirabas á dereita


e á esquerda


Nun altillo había unha sala de ordenadores


Despois de ver a casa e de que nos comentaran como ía a funcionar a semana, comimos...



...vagueamos un pouco e fumos a sopelana a surfear.
A auga parecía sopa. Estaba quente. A xente ía con bañador ou traxe corto. O baño pequeniño, pero suficiente para os que experimentaban o surf por primeira vez.

Cea, charlas, guitarreo e a descansar, que boa falta facía...