Arte "daquí"

Sempre que penso en "arte contemporánea" me acordo dunha "trampa" que levaron a cabo nun programa de televisión.
Colleron un lienzo virxe, moita pintura de dedos, e 5 nenos de 3 anos "hiperactivos" con moitas ganas de mancharse. Xa imaxinaredes o resultado...Pintaron todo "sin xeito nin maneira"

Despois colleron a "obra de arte" e colocárona a escondidas nun museo de grande prestixio. O cadro pasaba totalmente desapercibido entre as outras obras abstractas. É máis, tíñades que ver as divagacións e críticas super elaboradas que facían os "sabios expertos" sobre a obra. Incluso se atrevían a afirmar características da personalidade "do autor", como que era moi impulsivo sexualmente (ou algo así).

Vergonzoso

Isto a min sérveme para pensar, que calquera pode ser "artista" (ou que calquera pode facer algo ao que se lle poda atopar a beleza artística). É dicir, que a beleza está nos ollos que miran, e non no que se ve.
OU TAMÉN que os que pagan millonadas por cadros abstractos son tontos perdidos que solo fardan da firmiña do cadro sin ter idea de arte (quitando aos que compran únicamente como forma de inversión)


Pois nada.. todo isto non sei a que viña jaja, solo quería presentar un cadro fixo unha rapaza de aquí preto, de Sardiñeiro.

Chámase Iria Nemiña, si si, Nemiña, e é estudiante de Belas Artes.
Posiblemente colgue de vez en cando algún traballos seu

Vos non preferides pagar 100 euros para colgar este cadro no salón, antes que 50 euros nun cadro que se compón de unha liña negra en diagonal e dous puntos vermellos?
Escollin este cadro porque me encantan os motivos. Cabalos, mar, e posta de sol.

Penso que calquera pode "buscar dentro de sí" o talento suficiente para facer unha obra abstracta medianamente decente, pero non todo o mundo pode pintar así

unha aperta!

P.D por certo, se tes algún tipo de habilidade relacionada co debuxo, pintura, fotografía, relatos...ou calquera cousa, e queres que sexa publicada aquí, so tes que enviarma a carpediemsempre@hotmail.com Quen sabe, igual un escritor lle pega un vistazo ao blog sin querer, e quere poñerse en contacto con alguén para ilustrar o seu libro :)

Bótasme unha man coa música?

Boas

Hoxe quería preguntarche sobre unha cousiña que che afecta si estás lendo isto cos altavoces encendidos, a ver se me podes axudar.

Refírome á música. Normalmente intento actualizala de vez en cando, e, a poder ser, poñer no primeiro lugar unha canción que pegue co motivo da primeira entrada.

Non é o mesmo leer un relato mentres luar na lubre nos masaxea o cerebro, que escoitando un cañero greenday. Todo ten o seu momento.

Peeeero, algún amigo me comentou que se fai repetitivo escoitar sempre a mesma canción ó principio.

Polo tanto, entre todos podemos escoller varias opcións:

- Música sempre na mesma orde (tal e como tiña ata agora)
- Música pero en orde aleatorio (como teño posto agora mesmo)
- E tamén podo poñer que teñas que darlle ti ó "play" no lugar de que a música comece automáticamente. (esta opción penso que é positiva cando hai videos na primeira entrada, xa que música do video se mezcla coa do blog e ralla un montón)

TI QUE OPINAS?

II limpeza da praia de Nemiña organizada polo Club de Surf Os Tombos

Moi boas

Hoxe veño a contarche un pouco por encima como foi a xornada da limpeza da praia de Nemiña. (máis fotos no blog do club www.clubsurfostombos.blogspot.com

Uns pensaban que contaríamos con máis de 100 persoas, outros contaban con 150, pero a maior parte, intentaba ser realista e calculaba que contaríamos coa axuda de 60, 70 persoas...

Por iso nos viñemos un pouco abaixo cando, as 10.30 da mañá, só estábamos os da outra limpeza e 4 máis. Esperamos un pouquiño máis e ó final, limparon a praia 25 persoas. Perdón, 25 personazas. Gracias a todas elas

O ambiente comezou a animarse, comezaron as risas, as bolsas e guantes circulaban por todos lados e puxémonos mans á obra.foto: Felipe (Trun)
A ver se atopades unha boca que non estea sorrindo. A enerxía positiva respirábase por todos lados e as nosas conciencias descansaban tranquilas por un día.

Contamos coa axuda de Esteban e o seu quad (graciñas) que nos facilitou moito o traballo do transporte das bolsas. Un tablón, unhas cinchas, un intrépido voluntario (Suso Tudor), e xa temos lista unha plataforma para levar as bolsas cheas ó punto de partida.
foto: Alfonso García
Era unha gozada, enchías unha bolsa, deixábala na area dura, e aparecía o quad alí nun plis plás.

Limpando
foto: Trun

foto: Trun

A educación dos nosos pequenos, tan escasa en valores, podería ser complementada con actividades deste tipo para que reflexionen sobre o coidado do entorno. Penso que si se acostuman a "recoller" basura, non se lles pasará pola cabeza tirar un envoltorio de caramelo, porque saben que o chan, non é o seu sitio.
Rebeca dando exemplo ao seu afillado
foto: Alfonso García

Dende aquí quero agradecer ás persoas que limparon e viñeron dende lonxe para botarnos unha man:
Felipe García Rodriguez (Trun)
Aitor Zulaica
Alex Mesías Senra
Alfonso García Mata
Carlos Mesias Lema (Mesi)
David Rueda
David Wassan Mosteiro
Esteban Froján
Estefanía Caamaño
Ester López
Juan Alonso
Libertad (Corcubion)
Manuel Caamaño
Mario Lagoa Graíño
Michi Barqueiro
Oscar Prieto Aranjo
Pablo Touriñán Baña
Perre
Rebeca Pérez Marín
Rodrigo Vales Fortes
Salvia Varela Losada
Suso Lema Marcote
Uxío Domínguez Castro
e unha parella que non temos anotada.

Acabamos a limpeza nunha hora xustiña. E como éramos poucos resultou moi sinxelo poñernos dacordo nunha cuestión. Como había vento sur as olas en Nemiña eran moi malas e en Rostro estaba bastante ben para surfear, polo que transladamos o tinglado á praia fisterrá de O Rostro

Mario e Mesi encargáronse de facer un magnífico churrasco o lado dunhas rochas ó abrigo do vento. Sitio perfecto para pasar toda a tarde e parte da noite.


Despois da churrascada a xente ía desaparecendo para enfundarse nos neoprenos e tirarse á auga a disfrutar das olas.
Xa van dúas de dúas nas que o mar nos agradece o pequeno detalle da limpeza con unhas boas olas durante toda a xornada. será o Karma? :)
houbo boas olas e xente na auga dende as 3 da tarde ata a noite.

Os que preferimos esperar á marea baixa para peguarnos o baño, disfrutamos dun riquísimo café que nos trouxo a miña nai (isa) e a miña irmá (Ra). Aínda que trouxeron suficientes termos como para que o cataran os que saíron da auga máis tarde. Facíame moita gracia o feito de escoitar o "clin clin" do remexer no café mentres olleábamos os mellores picos xD


E para rematar o día que mellor que outro par de tandas de churrasco a modo de merenda/cea despois dunha boa surfeada.

A xornada prolongouse ata as 23:30 onde quedamos uns cuantos conversando e disfrutando de boa compañía ó pe dun bo lume.

En resumo, para min, un 10.

Graciñas a todos aos que o fixestedes posible

Unha aperta!

PD. a medida que vaia conseguindo fotos, ireinas colgando. Se tes algunha e queres que sexa colgada envíame un correo a carpediemsempre@hotmail.com

remolcado por tiburón

SIN COMENTARIOS!


http://view.break.com/496123 - Watch more free videos

Surf mediterráneo

"que aquí tambien tenemos olaaas!!" (koko)

Aquí temos ó noso amigo koko de korkubión ensinándolle a unha amiga súa como se fai un peaso floater nunha ola barcelonesa.. jeje

E aquí dúas fotos do noso compañeiro de mar disfrutando dunha esquerdiña moi xeitosa

(quen dixo que o flare era un erro nas fotos? e o ben que quedan?jeje)

A ver se koko se converte no meu corresponsal oficial do surf mediterráneo xD e me pasa unhas fotos dun campionato de longboard que se celebrou en sitges no que tiveron olas de moi boa calidade... esperaremos impacientes amigo!

Unha aperta para ti & company ;)

Broma do falso espello

Hoxe foi un día relacionado coas bromas... xa che direi algún día o porque, jeje.
E recordando con Juanma (de Radio Neria) as bromas coas que máis nos temos rido... el contoume a que che vou a ensinar agora

Eu non a vira, pero despois de que ma explicara Juanma, busqueina no "llutub" e atopeina.

A cuestión é a seguinte: trátase dun falso espello que realmente é un cristal, e no outro lado do cristal hai un cuarto de baño exactamente igual. Unha xemelga a cada lado do cristal, unha enfrente da outra, imítanse os movementos á perfección polo que parece un espello,e a xente non atopa o seu reflexo. Bueno, mellor mírao por ti mesmo



xD

Kitesurf na Costa da Morte

Cando vin que se podían subir ó youtube videos máis grandes de 100 megas e de máis de 10 minutos levei unha boa alegría porque tiña varios videos que non podía subir por culpa destas limitacións.

Un destes videos era un que fixo "deivis" e que tiña na recámara á espera de ser colgado.

Penso que estamos case todos. David, Zoilo, Jose, Iván, Sara.... etc.
Tódolos videos son en praias da costa da morte

un saudo!!

Remeiras corcubionesas en Sestao!

Copio e pego:

Club de Remo Huracán
Club Marítimo Carrumeiro

NOTA INFORMATIVA
LXV CAMPIONATO DE ESPAÑA DE BATEIS
26 E 27 DE ABRIL 2008

batel amarelo=corcubión


Saída


(mundaka?jeje)


Este pasado fin de semana celebrouse en SESTAO (Bizkaia) o LXV Campionato de España de Bateis que se disputou o sábado 26 (semifinais) e o domingo 27 de abril(Finais) organizado polo C.R. Iberia.
Este Campionato determinou ós campións de españa nesta modalidade do remo de banco fixo ( 4 remeiros + patrón ) nunca embarcació de 7metros de eslora.
Bo nivel do remo galego en xeral xa que se fixo con 5 títulos dos 7 que estaban en xogo nas distintas categorías; e tres terceiros postos.
Estiveron presentes o C.R. Perillo, C.R. Chapela, C.R. Vilaxoan, C.R. Amegrove, C.R. Cesantes; C.R. Mecos, C.R. Cabo de Cruz, C.R. Robaleira, A.D. Esteirana, Náutico de Vigo, C.R. Samertolameu de Meira e C.R. Carrumeiro – Huracán de Corcubión en representación de Galicia; e en representación de Asturias, Cantabria, País Vasco e Cataluña: Tolosaldesaldea arraun, C.M. Castropol, Karmeleko Ama Arraun, Ondarroa Arraun, S.D. Astillero, Aita Mari, Pasai Donibane, Deustuko Arraun, C.R. Colindres, C.R Amigos de la Maruca,C.R. Orio, C.R. Luanco, Hondarribia Arraun, Mundaka Arraun, C.R. Camargo, C.R. San Pantaleón, C.R. Santa Cristina, Itsasoko Ama arraun, Arkote Arraun, Castro Urdiales, Kaiku Arraunaren e A.D. Castreña
As Finais do campeonato tiñeron lugar o domingo ás 10:00 horas na dársena La Benedicta de Sestao onde se disputaron as tandas A e as tandas de consolación B en cada categoría.
Coma xa indiquei antes foron os clubes do sur de galicia os grandes triunfadores da xornada, que xa amosaran un gran nivel no pasado Campeonato Galego de Bateis.
No que o clube corcubiones se refire a tripulación Xuvenil Feminina do Carrumeiro acadou o seu pase directo para as finais ( 1. Sabela Oca, 2. Antía Insua, 3.Alba Insua 4.Pilar Domínguez patrona Alba Trillo) acadando a quinta praza.
Boa regata das nosas rapazas que non tiveron opción ante o bo nivel das embarcacións vascas que se fixeron co ouro e prata na categoría, o bronce recalou en Chapela.
Os tempos na final xuvenil femenina . 1º Pasai Donibane Koxtape 10.00.31; 2º Ondarroa Arraun Elkartea 10.06.44; 3º C.R. Cahpela 10.39.94; 4º C.R. Cesantes 10.48.91; 5º C.M.Carrumeiro de Corcubión 11.12.44.
O grupo desprazado estaba formado polas integrantes do equipo, Jesús Elorza Presidente do Clube, Alfonso Pérez adestrador, Felipe Garcia monitor, Francisco Javier Domínguez Delegado e Moncho Dosil ( Construcions Dosil ) que aportou a súa furgoneta para levar o equipo e a embarcación.
Quedámonos ca boa experiencia de competir por primeira vez no campeonato estatal, onde as nosas remeiras poideron disfrutar do remo ó nivel máis alto e esperamos estar ahí en vindeiras ocasións.
O clubes de remo Huracán e Carrumeiro queren agradecer a colaboración do Concello de Corcubión e Ferroatlántica por subvencionar a viaxe, a aportación dos nosos patrocinadores nestas tempadas Reale Seguros, Marcos Canosa, Piensos Dumbría, Prodemar, Construcciones Barcia, Construcciones Dosil, Restaurante San Martín, Cafetería Alborada, Bar Suíza, Carnicería Antelo, E.F.B. Corcubión, Cataventos Escola de Vela...; así coma a tódolos remeiros , remeiras e colaboradores que pasaron polo clube nesta nova etapa, que fixeron posibles estes 5 anos dentro da competición e organización de eventos do remo galego GRAZAS.


Os Campións, subcampións e 3º postos foron os seguíntes
categoría club

Promesas femenino(1000m)
1º C.R.Vilaxoan 4.42.25
2º Ondarroa Arraun 4.46.78
3º S.D. Astillero 4.48.34

Xuvenil femenino(2000m)
1º Pasai Donibane Koxtape 10.00.31
2º Tolosaldea Arraun 10.06.44
3 C.R.Chapela 10.39.94

Absoluta femenina(2000m)
1º C.R. Chapela 9.34.78
2º S.D. Astillero 9.44.06
3º C.R. Cabo de Cruz 9.44.87

Infantil masculino (1000m)
1º C,R, Robaleira 4.31.51
2º Hondarribia Arraun 9.35.60
3º Mundana Arraun 4.42.18

Cadete masculino(1500m)
1ºC.R, Robaleira 6.38.47
2º Itsasoko Ama Arraun 6.45.78
3º Ondarroa arraun 6.46.72

Xuvenil masculino (2000m)
1º C.R. Mecos 9.22.09
2º S.D. Castro Urdiales 9.35.78
3º C.R. Cabo de Cruz 9.36.28

Senior masculino(2000m)
1º A.D. Castreña 8.50.88
2º S.D. Astillero 8.51.81
3º S.D. Samertolameu Meira 8.54.53
Resto dos tempos



Agradecemos de anteman a difusión desta nota informativa na medida do posible.
Un saúdo.
En Corcubión, a 28 de Abril de 2008



Asdo.: Francisco Javier Domínguez Traba.
O DELEGADO e Adestrador..

Surf e PostSurf

PreSurf, Surf, e PostSurf

Só con estas 3 palabras lle podes facer entender a un matemático (ou á parella) o feito de que marches a surfear as 3 da tarde, surfees hora e media e volvas ás 9 da tarde.

Hoxe tiven o gusto de coñecer a Xigui (o fotógrafo do que che falei fai pouco) e ós seus inseparables amigos Bea e César.

Quedamos en Cee, fumos á praia, e aínda que o noroeste que se levantou lle pegaba fatal ás olas, tirámonos á auga.

A pesar das circunstancias, pasámolo bastante ben e púidose rascar algunha que outra "esquerderOLA".
E, por suposto, gozamos de ter a Xigui a pé de "Canon" sacándonos fotos dende as pedras. Recordo a dirección da súa web: www.tufotografia.es

Aquí temos a Suso


Brais collendo unha das mellores olas da tarde :) Vexo esta foto e non me parece que sexa de hoxe jeje



E aquí está o mesmo surfeiro, no mesmo sitio, pero o sábado. Collendo tódalas olas que perdemos os que en Nemiña estábamos pensando: "cando suba a marea seguro que funciona o pico de Teahupín, hai que esperar, hai que esperar..."
(esta foto non é de Xigui)

Dunha vez, cando ía na ola, "tropecei" literalmente coa ola que estaba diante de min. Xa vos podedes facer a idea do caldo que había. Nesa sección a ola quedábase con moi pouca auga e facía cousas moooi raras jeje

e cando a ola se acercaba moito ó canal, había que andar volvendo cara á espuma. As dereitas tiñan máis forza pero cerraban algo máis e a remontada era moito máis "latosa", xa que había que remar ou camiñar paralelo á praia ata chegar ó canal e remontar de novo.


Despois da sesión de olas e fotos, tomamos algo en Cee e comímoslle tanto o tarro a Bea, César e Xigui sobre o que mola o mundo do surf, que aposto a que xa están mirando en internet algunha táboa de segunda man jejeje

Encantado de coñecervos!

Maxia

No programa de "Tienes Talento" de non sei que país, fixeron o seguinte truco de maxia.

Alucinante!!!
pero despois de velo unhas cuantas veces, me parece que acabo de entender como fan este tipo do trucos xunto co da típica caixa que serran en dous cachos.

E para que non se lle esqueza a ninguén, volvo a colgar o cartel da limpeza.

3 de maio, limpeza, surfeada, churrascada, surfeada, xogos varios que se propoñan...

E aproveito para agradecer a tódolos blogs e webs que axudastes na difusión do cartel. E aos que o vaian a facer tamén! Graciñas!

Corcubión: Club de remo Furacán

Copio e pego:

Club de Remo Furacán
Club Marítimo Carrumeiro


¡¡¡¡ AS NOSAS RAPAZAS VAN Ó CAMPIONATO DE ESPAÑA EN SESTAO!!!!


Este pasado fin de semana celebrouse en Ferrol o Campionato Galego de Bateis XXIII TROFEO CONDE FENOSA que se disputou o sábado 19 (semifinais) e o domingo 20 de abril(Finais) organizado polo C.R. A Cabana de Ferrol.
Este Campionato mediu ás mellores embarcacións galegas na disciplina de bateis,sendo ademais a proba clasificatoria para o Campionato España de bateis que terá lugar o vindeiro fin de semanana en Sestao.
A nota predominante foi o dominio dos clubes do sur de galicia que se adxudicaron tódolos títulos autonómicos nas distintas categorías. Gran nivel en xeral do remo galego.

CAMPEONS DE GALICIA BATEIS 2008
categoría club
Promesas femenino C.R.Vilaxoan
Xuvenil femenino C.R.Chapela
Absoluta femenina C.R. Chapela
Infantil masculino C,r, Robaleira
Cadete masculino C.R, Robaleira
Xuvenil masculino C.R. Mecos
Senior masculino Samertolameu Meira

Polo que ó clube corcubionés se refire, participou no campeonato autonómico con 2 tripulacións baixo a dirección de alfonso trasmonte e francisco javier domínguez, un gran logro para nós pois é o cuarto ano consecutivo que participàmos no Campeonato Galego,
INFANTIL MASCULINO:
Tripulación: Sergio Pérez; Pablo Castro, Denís Rey, Sergio Quintela e Patrón Jose Manuel Castro.
Fixeron o seu papel nas semifinais do sábado 19 onde foron ubicados na segunda das tandas. Tan só poideron chegar ó 8º posto nunhas semifinais de gran nivel pagando caro un erro na execución da sua ciaboga onde xa perdiu tódalas posibilidades de pase para as finais de domingo. De tódolos xeitos representáronnos dignamente e estiveron entre os grandes de galicia

Infantil masculinos (1ª tanda)
1º Robaleira. 02'06''75 04'26''92
2º Mecos. 02'10''15 04'34''01
3º Cabo da Cruz. 02'13''44 04'35''83
4º Esteirana. 02'15''81 04'41''75
Infantil masculinos (2ª tanda)
1º Tirán. 02'06''42 04'32''09
2º Vilaxoán. 02'10''68 04'33''95
3º Narón. 02'11''46 04'39''41
4º Corcubión. 02'17''13 05'00''30


Nas semifinais disputáronse 2 tandas por categoría:
Tanda A 1º e 4º territorial sur 2º e 3º territorial norte
Tanda B: 1º e 4º Territorial norte con 2º 3º territorial sur
Pasaron para as finais do domíngo o 1º e 2º de cada manga da categoría correspondente e o mellor tempo dos terceiros.
categoría Xuvenil Femenino pasaron directamente para as finais ó haber só tres tripulacións clasificadas.
Nota: o resto dos tempos destas semifinais tédelos na páxina web de perillo remo.
FINAIS 20 ABRIL
Dende as 4 da tarde e con maís de 1000 espectadores e moita animación dende as aficcións con bandeiras, tambores, bombas de palenque que daban fe da gran festa do remo galego.
Gran dominio dos clubes da zona territorial sur que se adxudicaron tódolos títulos..
A tripulación xuvenil femenino de corcubión ( 1. Sabela Oca, 2. antía Insua, 3.Alba Insua 4.Pilar Domínguez patrona Alba Trillo) disputou a súa final acadando a terceira praza que ademáis dalle o pase para o CAMPIONATO DE ESPAÑA DE BATEIS que se celebrará os días 26 e 27 en Sestao.
Novamente un erro nuha das viradas privounos de loitar por un posto mellor pois a nosa patrona na 1ª virada non colleu a boia tendo que voltar atrás para executar a maniobra de xeito reglamentario perdendo moito tempo nesta rectificación. Vese aquí a importancia da boa execución das ciabogas que che poden facer recuperar postos ou deixarche fora da loita Así pois 3º posto e clasificación para o campeonato estatal, histórico para o noso clube.
Clasificáronse para cto España os campións e subcampions galegos e os terceiros da categoría xuvenil femenino e cadete masculino.

Final Xuvenil féminas.
1º Chapela. 02'23''35 05'00''71 07'44''42 10'22''06
2º Cesantes. 02'29''54 05'09''75 07'54''44 10'27''79
3º Corcubión. 02'59''29 06'15''45 09'13''61 12'03''66



O RESTO DOS TEMPOS DAS FINAIS:
Promesas féminas
1º Vilaxoán. 02'14''51 04'37''94
2º Chapela. 02'19''39 04'42''87
3º C.Regatas de Per02'18''31 04'45''13
4º Amegrove. 02'17''67 04'45''57
5º Ares. 02'21''42 04'51''36
Absoluto féminas.
1º Chapela. 02'10'' 04'30'' 06'55'' 09'12''66
2º Samertolaméu. 02'13'' 04'32'' 07'00'' 09'18''60
3º Cabo da Cruz. 02'18'' 04'42'' 07'14'' 09'34''81
4º Mecos. 02'14'' 04'40'' 07'14'' 09'39''03
5º A Cabana-Ferrol 02'24'' 04'51'' 07'41'' 10'11''64
Infantil masculinos.
1º Robaleira. 02'11'' 04'25''46
2º Vilaxoán. 02'16'' 04'33''79
3º Cabo da Cruz. 02'19'' 04'34''94
4º Tirán. 02'13'' 04'37''46
5º Mecos. 02'18'' 04'39''39
Cadetes masculinos
1º Robaleira. 2'02'' 04'21'' 06'33''54
2º Amegrove. 02'00'' 04'24'' 06'36''62
3º Esteirana. 02'01'' 04'24'' 06'38''01
4º Ares. 02'06'' 04'31'' 06'44''06
5º A Cabana-Ferrol. 02'06'' 04'34'' 06'53''27
Juvenil masculinos
1º Mecos. 02'02'' 04'16'' 06'34'' 08'46''30
2º Cabo da Cruz. 02'05'' 04'20'' 06'39'' 08'49''38
3º Vilaxoan. 02'06'' 04'21'' 06'41'' 08'53''80
4º Cesantes. 02'11'' 04'27'' 06'50'' 09'01''76
5º Puebla. 02'04'' 04'24'' 06'47'' 09'03''70
Senior masculinos
1º Samertolaméu. 01'59'' 04'12'' 06'25'' 08'33''43
2º Náutico de Vigo 02'00'' 04'14'' 06'24'' 08'34''69
3º Chapela. 01'58'' 04'14'' 06'28'' 08'36''14
4º Mecos. 02'02'' 04'16'' 06'29'' 08'37''57
5º San Felipe. 02'01'' 04'19'' 06'35'' 08'46''27


Agradecemos de antemán a difusión desta nota informativa na medida do posible.
Un saúdo.
En Corcubión, a 21 de Abril de 2008



Asdo.: Francisco Javier Domínguez Traba.
O DELEGADO e Adestrador..

Vai de tormentas.

E dirás, e a este que lle picou agora coas tormentas? se non hai temporal nin nada! Bueno, pois cando hai temporais, non os comento (ou fágoo tarde), e cando non os hai, falo deles. Este blog, máis que unha bitácora con reflexións serias, artículos interesantes e palabras "chachis" parece unha "plasmación" do que se me pasa pola cabeza no medio dunha tormenta de ideas.

Pois si, ás veces váiseme a pinza. Na entrada anterior, non ía a falar nin de barcos nin de tormentas....pero comecei pensando en que estaba chegando o verán, que ían a comezar os "platazos", a sequía de olas, que despedíamos ós temporais, e as esperanzas de surfear esas olas que solo rompen cando o mar se desfasa....pensando niso... acabei imaxinando temporais, acércanse as oposicións (temporal e nubarróns nos miolos), imaxineime no medio do mar, véuseme á cabeza a imaxe do barco de "capitan pescanova" mostrando a proa ó chegar ao cumio dunha montaña de auga...e ó final, acabei facendo a entrada anterior. E rematei a entrada sen poñer o motivo da mesma.

¿Nunca che preguntaron "¿en que pensas?" nun momento no que tardarías 3 segundos en explicar en que estás pensando, pero tardarías 30 minutos en explicar como fixeches para chegar a ese pensamento? A min pásame moi a miúdo.

Aquí vos deixo un video que me ensinou Tei. Falando de tormentas..... un "eólico" sen frenos que acaba rompendo.



Así, sin vir a conto, e sen ter nada que ver co título do post, tamén me gustaría decir que decidín "tutearte". Aínda que haxa máis de dous lectores diarios, a persoa que lee é unha. É dicir, ti. E igual o feito de que me dirixa soamente a ti, fai que esta bitácora sexa...máis persoal e acolledora? Ti que cres? ó mellor estou totalmente confundido e esto é unha tontería coma un piano.
Igual na seguinte entrada me olvido de todo isto e sigo falando de "Vós" no lugar de "ti".

Ui... como me estou rallando. Debe ser que cando se me acercan as oposicións e se intenta reactivar un maior número de neuronas na miña cachola para un maior rendemento, se me desordenan as ideas e non as dous transmitido dunha forma ordenada e coherente. Para que despois digan que o saber non ocupa lugar. Eu penso que, na cabeza, o saber ocupa o lugar da cordura jeje.

Agora que o penso, pronto vai a facer un ano que fixen o blog. Non sei como se me deu por crear esto a menos de 2 meses das oposicións. Será que cando hai que estudiar moito calquer cousa é escusa para deixar de facelo por un momeno. Como ir a cociña a buscar "non sabes que", mirar a nevera, mirar os chineros buscando algo que saberás o que é cando o atopes.


pffff

mar ou montaña?

E montañas no mar?

Sempre quixen experimentar un bo temporal en altamar.
Surcar, afrontar e romper montañas de mar baixo a seguridade dun barco potente, forte e seguro. (Coa súa correspondete tripulación ben preparada:)
É unha espiña que espero quitar algún día...quen sabe cando, igual cando Alberto sexa capitán dun remolcador dos de salvamar me fai sitio na súa maleta jeje.

Claro que, ten que ser bonito e emocionante experimentar esas sensacións durante unha horiña ou unha tarde como moito. Pero admiro enormemente ós que teñen que vivir e traballar nesas circunstancias. E sobretodo aos que arriscan as súas vidas dende que poñen un pe na cuberta do barco para salvar a outras persoas. Porque iso non hai soldo que o pague. Bueno, si que o hai, pero xa me entendedes :)



E a falta de un bo buque, métome nun cachibache destes...


e hala, a dar voltas polo mar abaixo

Fotos Xigui: www.tufotografia.es

Moi boas

Hoxe preséntovos a Xigui. É un fotógrafo de Rianxo que últimamente está sacando fotos de deportes acuáticos na zona da Costa da Morte.
Se queres ter por fin unha boa foto túa surfeando na túa habitación, chámao que vai a onde esteas practicando o teu deporte favorito. A súa web é www.tufotografia.es
Estas son unhas fotos que sacou en Carnota a uns amigos meus Jose Guillen e Iván Bueno.


Jose Guillen



Iván



Un saúdo!!

Graciñas a www.quepasanacosta.com

Gustaríame dar as gracias dende aquí a Ubaldo e compañía por poñer na súa web www.quepasanacosta.com un anuncio sobre a futura limpeza do 3 de Maio


os 60 kilos dos que fala eran de chapapote, xa que o peso das bolsas de basura que recollimos seguramente se mediría en centos.

Pero recordo unha cousa! a limpeza acábase en hora e media ou dúas. O resto é todo risas, churrasco, surf e algún xogo que se nos ocurra :)

Tamén agradecer ás tendas Risko, Carpe mare e imprenta paco por colaborar na producción dos 200 carteis que imos a facer dun tamaño considerable :)

Unha aperta!

Cartel da II limpeza de Nemiña

Preséntovos o cartel da 2ª limpeza de Nemiña


Difúndeo!

Cantas máis persoas se enteren de que se vai a realizar esta xornada, mellor que mellor. Así que, agradecemos enormemente que todos os que poidan colaboren coa difusión deste cartel (bloguers, webmasters...)
Por un día espero que non haxa onde aparcar en Nemiña ;)

Unha aperta!

Fotos de Maika Boquete

Moi boas!

Había tempo que andaba buscando estas fotos... e é normal que non as atopara. Non estaban no ordenador no que as buscaba. psss que cabeciña

Son as fotos que nos sacou Maika Boquete (facede click no nome para entrar no seu blog) o día que a coñecimos, xunto co seu mozo Juancho, en Rostro. Xa fai uns meses.

Como quedamos coas ganas de ver as fotos e telas en grande, Maika intentóunolas mandar de diferentes formas... pero nada, non houbo maneira. Eran moitas fotos e pesaban moitísimo (650 megas todas elas) así que decidimos que o mellor sería grabalo nun cd e que no lo dera cando nos volvésemos a ver.

Peeero, atopei por casualidade unhas pouquiñas fotos que me mandou por correo, e vólvoas a colgar. (desta vez en grande)

Mesi buscando o tubo (creo que o acabou atopando)


Mesi a contrapico (con un par jeje)


Mesi descansando e Suso animando. O surf sen risas é como unha tortilla sin cebola...fáltalle algo


Este penso que foi o microtubito máis pequeniño no que din entrado. jeje Parece feito a medida non? (a miña flexibilidade non da para máis)


E por último, unha das que máis me gusta

Suso co seu ESTILAZO acariciando a ola

(Co permiso de Maika, experimentei un pouquichiño no procesado das fotos, a ver si che gustan! aínda me queda mooooito por aprender, acéptanse consellos!. Sei que antes de aprender a procesar debería aprender a sacar fotos!... pero que lle queredes, un que empeza a casa polo tellado)

II Limpeza de Nemiña

Teño que comunicarvos unha moi boa nova:

A próxima limpeza de Nemiña xa ten data. Realizarémola o Sábado 3 de Maio e será organizada de novo por membros do Club os Tombos.

O plan será o mesmo que o da primeira limpeza. Quedaremos pola mañá, limparemos, algúns surfearemos antes de comer, comeremos un bo churrasquiño, volveremos a surfear, ou durmimos unha sestiña, volvemos a surfear e se sobrou algo podemos volver a comer churrasco jeje. Jobá.. ultimamente xa relaciono máis co surf a palabra churrasco que outras como "bilabon" ou "cuicsilver".

¿Vos sabedes o ben que se da pillar unha ola e que inmediatamente despois che veña á boca o sabor a criolliño e salsa de churrasco? jeje como dixo un cuñado meu, "¡mola a dios! é como comer dúas veces!"

Desta vez cambiaremos unha cousiña que aprendimos da limpeza anterior. Como da vez pasada nos fallou moita xente que dixera que iba a vir, sobrou moitíisimo churrasco e a perda foi importante. Así que desta vez, cando repartamos os guantes e as bolsas xusto antes de limpar, iremos anotando os nomes de todos para comprar a carne nese momento e así calcular ben a cantidade de comida e bebida.

E falando do club os Tombos... aproveito para facer un pouquiño de publicidade e colgarvos unhas fotos extraídas dun video que fixo Bruno. (Xa vos avisarei cando o video esté listo e colgado)

O baño non estaba como para tirar bombas, pero pasámolo xenial. Aquí temos a Suso



Mesi


Rueda


Bruno, o autor do video. Moitas gracias dende aquí polas túas reportaxes acuáticas!


Alberto (O rapaz de Arteixo da autocaravana verde) que non sei si é do club, pero como se o fose. Esperamos vervos na limpeza!



E aquí un servidor, nunha táboa de parafina moi limpa xD (xa a limpei e amañei eh.. que estos días de mar plato serven para algo)


Non están todos os que son pero son todos os que están.

Unha aperta!!

Proposta para hoxe: recorda a última vez que te partiches o cu de risa. Reviviralo momento.

Graciñas Poseidón, tómate algo que invito eu

Teño que agradecerlle publicamente a Poseidón un regaliño que me fixo onte.

Construíme por uns segundos unha cova de auga espaciosa, ben iluminada, grande e moi ruidosa. Escolleu moi ben as cores porque a parede azul turquesa do lado esquerdo combinaba moi ben co blanco e turquesa da parede da dereita. Unhas cores que se fusionaban no teito. O teito era o suficientemente alto como para que me puidese reincorporar da miña pose de "rezar", pero o suficientemente baixa como para que non me puidese erguer completamente. Dende a posición na que estaba, penso que si levantara un brazo, podería chegar a acariciar a auga que formaba o teito. Pero nese momentos non pensas en nada. Os ollos ábrenseche como pratos porque non dan creto ó que ven.

Tamén hai que dicir que a cova estaba limpísima e ordenada, non había unha gota de auga fora do seu sitio. Ademáis púidena ver á perfección porque non tiña nin pelos na cara, nin gotas de auga nos ollos (como é de costume)


(Barbakana, vouche ter que enviar o debuxo para que mo pintes, que pintar non é o meu jeje, as cores son as que describín, non as que pintei)

Poseidón, para o meu divertimento, ordenou que fixeran xirar a cova conmigo dentro, ata que o moi simpático me acabou tirando, pero non me importou. Porque despois do cóctel de adrenalina e endorfinas que me tomei nesa bonita cova, quedei anestesiado para calquer centrifugado.

As vistas tampouco estaban mal; era unha "finca acuática" bastante chula. A foto é de antonte, cando todo estaba algo máis pequeno.



Tiven moitísima sorte/chiripa/chorra/potra de ser "o escollido" para recibir ese regaliño. E o bo é que non fun o único! Carlos de Camelle, e Felipe tamén tiveron os seus.

Agora fora metáforas, antonte tivemos un baño bastante decente (día da última foto) na que saían esquerdas solitarias moi maniobrables.
Onte estaba algo máis grande, perfecto durante unha hora e media, dúas, aproximadamente, na que disfrutei de esquerdas en solitario ata que, casi unha hora despois, se acercou Pana (Luis Enrique) e gozamos das olas sin parar. Máis tarde Felipe, Rueda and company uníanse ó festín. A medida que baixaba a marea as olas poñíanse algo máis brutas e ocas, pero tamén rompían peor.
E hoxe, xa sufrimos o cambio de dirección de mar de fondo (cambiou a nordés) e tivemos microoliñas de un metro (aínda que algunha era divertida). Para este finde xa non espero nada. Se polo menos se levantase o vento facíamos kite pero me parece que non vai a haber nin olas nin vento.

Intentei debuxar en forma de secuencia o que vin no tubo, pero resúltame moi complexo. Como son debuxos cutres, e fotografiados cutremente cun móbil, móstrovolos cunha calidade de imaxe cutre e a través dunha tele "retro"

Unha aperta a todos!!

PD: o debate do tamaño das olas segue aberto na entrada anterior e no foro de costasurf.com